Zoo siab txais tos los rau Humboldt Bay Fire (HBF) lub vas sab!
HBF muaj keeb kwm zoo, muaj ntau yam sib txawv, thiab mob siab lis dej num los tau ntev tshaj 150 xyoo uas yog muab kev pab cuam rau Lub Zos Eureka. Kuv muaj kev zoo siab ntau yuav los tshaj qhia rau koj uas yog cov kev qhia paub hais txog peb pawg koom hauj lwm Joint Powers Authority (JPA), thiab cov neeg ua hauj lwm tau npaj muaj uas yuav los lis kev pab tua hluav taws uas ua tau qauv zoo thiab tau muab kev pab cuam kev muaj xwm xeev rau ntau tshaj 55,000 cov neeg zej zos, cov chaw ua lag luam, thiab cov qhua tuaj xyuas.
Nyob rau hauv Humboldt Bay Fire peb Lub Hom Phiaj yog kev mob siab muab kev pab cuam rau zej zos los ntawm kev ua tus coj, lub zeem muag, thiab kev ncaj ncees
Pab cuam kev tiv thaiv hluav taws kub kom zoo tsim nyog thiab kev pab cuam rau fab kev muaj xwm ceev kom tau raws li qib uas tau txais kev xam pom thiab kev txhawb nqa los ntawm lub zej zos
Txhawb kev koom tes nrog rau lub zej zos tsis hais yuav yog tib neeg los sis koom haum
Muab kev tsom xyuas rau kev sib koom tes hais txog kev cob qhia, kev kawm ntaub ntawv thiab kev khiav hauj lwm kev pab cuam
Tawm phiaj xwm raws cov kev xav tau fab kev pab cuam thaum muaj xwm ceev rau yav tom ntej
Peb yog ib lub chaw muab kev saib xyuas "Txhua Cov Kev Phom Sij" uas yog tus tswj hwm pab pawg kws cob qhia kev hais daws kom raug raws kev xav tau uas tsim tsa los tswj kom tau cov kev nyuaj uas tshwm sim muaj ntau yam. Peb cov pawg neeg khiav hauj lwm muaj kev pab fab tev niv zoo rau kev tua hluav taws, kev pab cuam thaum muaj kev mob nkeeg nyhav, qhov chaw tsis muaj pa, tej khoom muaj kev phom sij, kev pab txoj sia kev poob dej, kev tshawb nrhiav thiab kev pab txoj sia hauv nroog loj, thiab lwm yam ntxiv. HBF tau teb txog ze li ntawm 8,000 tsab xov tooj hu tuaj thov kev pab cuam txhua lub xyoo uas yog tswj xyuas chaw txog 55.5 mais ib ncig. Peb cov neeg ua hauj lwm 60 leej uas ntiav ua hauj lwm nyob rau 5 qhov chaw khiav hauj lwm raws kev tsim tsa uas tswj hwm mus los thoob plaws hauv peb qhov chaw muab kev saib xyuas, uas muaj Nroog Eureka thiab mus deb dua cheeb tsam nroog Eureka. Peb muaj kev mob siab tag nrho tsis hais koom haum los sis tib neeg los pab lub zej zos thiab yeeb vim peb paub hais tias peb cov neeg yog yam uas muaj nuj nqis tshaj plaws, peb thiaj li muab kev cob qhia thiab txhim kho peb cov neeg ua hauj lwm yam tsis tu ncua. Nyob rau hauv Humboldt Bay Fire, peb yeej ntseeg tau tias peb yog ib feem uas muaj kev tseem ceeb heev rau lub zej zos thiab cov pej xeem thiab lawv lub chaw saib xyuas hauj lwm pab tua hluav taws uas sib cog ua hauj lwm ua ke yam ruaj khov. Cov neeg ua hauj lwm qhov kev koom tes yam zoo nrog rau lub zej zos, tsis hais tes hauj lwm nyob rau sab hauv thiab sab nrauv, yuav los tham txog qhov kev pab ntawv.
Kev pab cuam kev muaj xwm txheej kub ceev tsuas yog ib feem ntawm peb qhov kev pab cuam xwb. Peb yuav ua kom zoo tshaj plaws rau peb lub zej zos thaum peb tiv thaiv kom txhob muaj cov xwm txheej kub cev ntawv. Peb yuav muab kev txo kom tau kev phom sij thiab ua kom muaj kev nthuav dav zuj zus nyob rau hauv lub zej zos los ntawm cov kev muab siab rau cob qhia, uas muaj kev nrhiav tswv yim, kev tawm phiaj xwm, kev pab txo kev txom nyem, thiab kev tswj hwm.
Peb lub chaw saib xyuas hauj lwm muaj kev txaus siab rau qhov kev koom tes muab kev pab yam tsis tag tswj hwm uas txhawb tau lub zog uas yog muaj Cov Chaw Saib Xyuas Hauj Lwm Pab Tua Hluav Taws thiab cov kev pom zoo muab kev pab rau ob tog uas yog muaj Cov Chaw Saib Xyuas Hauj Lwm Pab Tua Hluav Taws nyob thoob plaws hauv California. Cov kev pom zoo tau txais txiaj ntsig ua ke no yuav ua kom peb ua tau hauj lwm yam zoo uas siv lub peev xwm los mus muab thiab txais kev pab rau cov xwm txheej loj los sis nyob rau cov ncua sij hawm muaj kev nyuaj tshaj plaws.
Humboldt Bay Fire yuav sawv khov kho saib xyuas tsis hais nruab hnub los sis hmo ntuj, uas yog muab kom tau kev pab cuam kom txaus thiab zoo yam mob siab hlo, sib hwm, thiab muaj kev txawj ntse.
Thov tiv tauj ncaj qha rau kuv yog hais tias koj muaj lus nug dab tsi. Ua tsaug!
Sean Robertson